Hannes Smárason: Handflakari í frystihúsinu á Djúpavogi. Áður forstjóri FL Group og einn helzti stuðningsmaður íslenzku krikketdeildarinnar.

Aggar: Þjóðarréttur Mongólíu. A. líkist frönskum kartöflum.

Sólhattur: Sólarhernaður þróaður af Stubbunum. Byggist á því að rækta sól í höfuðfötum og síðan er sóluðu höfuðfati komið fyrir á grunlausu fórnarlambi. Fórnarlambið deyr yfirleitt samstundis.

Sýklahattur: Sýklahernaður þróaður af Saddam Hussein. Byggist á því að rækta sýkla í höfuðfötum og síðan er sýktu höfuðfati komið fyrir á grunlausu fórnarlambi. Fórnarlambið deyr yfirleitt innan 12 klukkustunda.

María mey: Formaður Sjálfstæðisfélagsins í Jerúsalem. Var einu sinni Jesús Kristur frá mitti og niðrúr.

Analfabet: Öfugur fabet.

Isaaq: Grænlenzkur vinnumaður á bænum Hrauni í Skagafirði. Hann vann mikið þrekvirki þegar hann glímdi við brjálaðan ísbjörn sem gengið hafði á land nálægt bænum og ógnaði heimilishundinum. I. og björninn sættust þó að lokum og spila nú stundum krikket saman.

Hrakfallabalkani: Einstaklingur af Balkanætt sem þjáist af Andrésar Andar-heilkenninu sem lýsir sér í einstaklega mikilli óheppni. Oft ruglað saman við króatískan klaufa.

Þriðjudagur: Eini virki dagurinn í vikunni.

Pugon, Kata : Bandarískur kynlífssálfræðingur og rithöfundur. Bezt þekkt undir nafninu Dr. Pugon. P., sem kominn er af léttasta skeiði, hefur löngum haft kynferðislegan áhuga á sér yngri mönnum og oft þótt heldur ágeng. Árið 2005 hlaut hún fangelsisdóm fyrir krikketleik.

Lum Lum Nam Nam: Akureyrsk spákona sem miðlar. L. málar einnig árumyndir.

Löðrilla: Hlutverk löðrillu er að gæta almannaöryggis og halda uppi löðum og rillu.

Dostojevský, Fjodor : Pylsusölumaður. Var fyrirliði Bæjarins beztu frá 1962-1966, á þeim tíma sem kallaður var gullöld pylsunnar.

Kant, Immanuel : Rússneskur flotaaðmíráll. Upphafsmaður skilgreiningar allra hugtaka í hugsýn um fullkomna heild hins mögulega. K. var einnig mikill áhugamaður um tíma og rúm sem form allrar skynhæfni og þekktur í heimabæ sínum, Kalíníníngrad, sem „gríðarlegt partý-ljón“.

Nágreni: Greni sem dauð dýr grafa og hafast við í.

Sjálfsfróun: Eina - alveg - örugga leiðin til að stunda kynlíf.

Tjólk: Síðasta mjólkin í mjólkurfernunni sem enginn vill drekka.

Fetning: Setning sem maður festist í þegar maður er að lesa einhvern texta. Því oftar sem maður les fetningu því minna skilur maður hana.

AAA samtökin: Samtök fólks sem breytir nafninu sínu til að vera fremst í símaskránni. Formaður samtakanna er Abbni Adamsson.

Sandie Tussuni: Stofnaði fyrstu femínistasamtökin í Bandaríkjunum eftir að hún fann kynfærahár af manni sínum á handsápunni heima hjá sér.

Blö: Stór sekkur fylltur gasi. Eru mikið notaðir við félagsfræðirannnsóknir á busum.

List: Tjáning ástar á fegurðarsköpun.

Rassakið: Afkvæmi rassageitar.

Postull: Maður sem á erfitt með að samþykkja sannleikann, einkum og sér í lagi ef hann blasir við. Frægasti postull sögunnar er að öllum líkindum Páll postull. (Sjá: blámenn.)

Mea Culpa: Sænsk húsmóðir sem gerð var að blóraböggli í frægu morðmáli. (Sjá: Ólöf Palme)

Meve Xatpede: Suður-amerískur verkalýðsforingi sem barðist við hlið blekklessanna á sjöunda áratugnum. Hann þjáðist af gríðarlegum fótkláða.

Tryggvi Þór Herbertsson: Forstöðumaður Hagfræðistofnunar Háskóla Íslands. Er einkum frægur fyrir störf sín í þágu laxeldis á Íslandi og ýmsar hegðunarraskanir sem hann er haldinn. T. á marga ketti.

Úagadúgú: Þjóðsagnapersóna í Suður-Afríku. Var keypt af Waldorf-Hender-samsteypunni en var svo þjóðnýtt og er nú starfrækt af ríkisstjórn Búrkína Fasó. Ú. er ákaflega loðin og stórfætt.

Brauð: Pizza sem er bara skorpa. Pizza sem hefur enga skorpu er kölluð miðbik.

Öryggisdansinn: Annar af tveim dönsum sem náðu töluverðri útbreiðslu eftir umfjöllun og greiningu í Dansbók Dr. Schnellkopfs - um hagkvæmni og nýtingu Evrópskra og Norður Amerískra dansa. Ö. er fyrst og fremst notaður þegar á að dansa án þess að skaði hljótist af. Ö. var upprunalega kanadísk-austurrískur þjóðdans, en varð gerður að vinsælli alþýðumenningarafþreyingu á 9. áratug 20. aldar með laginu Safety Dance (Sicherheitstanz) í flutningi hljómsveitarinnar Men Without Hats (Männer ohne Hüte).

Mannþröngardansinn: Annar af tveim dönsum sem náðu töluverðri útbreiðslu eftir umfjöllun og greiningu í Dansbók Dr. Schnellkopfs - um hagkvæmni og nýtingu Evrópskra og Norður Amerískra dansa. M. er notaður til að komast leiðar sinnar í gegnum fjölmenni, einkum þar sem þröngt er á þingi.

Schnellkopf, Dr. Wolfgang von: Prófessor í fræðilegri vatnsþrýstingsaflsfræði og lofttæmisloftaflsfræði við háskólann í Innsbruck. Starfaði lengi með Dr. Karli Stumpfegger. Setti fram Schnellkopf regluna. Er talinn einn mesti athafnamaður í Týrol á fyrri hluta 20. aldar. Ritaði bókina Dansbók Dr. Schnellkopfs - um hagkvæmni og nýtingu Evrópskra og Norður-Amerískra dansa. S. var lengi Formaður Skákklúbbs Hafnarverkamanna í Innsbruck.

Raz, Jozo: Frægasti poppari Slóvakíu. Hann hefur verið söngvari hljómsveitarinnar Elan síðan 1970, við miklar vinsældir. Í frítíma sínum safnar R. fiðrildum og leikur krikket.

Grace, W.C.: Brezkur krikketleikari á 19. öld. Varð seinna Guð og er nú dýrkaður víða um heim. G. hefur nú selt pylsur á Lækjartorgi í áraraðir.

Johnson, Kirk: Fyrsti skipherra á kjúklingabát Alberts Wright, Geitinni. J. þykir ákaflega snyrtilegur og kurteis en hefur þó gríðarstóra vörtu á nefinu sem þykir ljóður á ráði hans. J. á gult vasaljós.

Tamíl, Badminton: Ungverskur skúnkræktari. Ræktaði feitasta skúnkinn 1971-1999, lengur en nokkur annar í skráðri sögu mannkyns. Neyddist til að hætta vegna lyfjahneykslis. Síðan 1999 hefur Móri talist rækta feitasta skúnkinn.

Egilsstaðir: Borg á Vestfjörðum. Egill Skalla-Grímsson er sagður hafa kastað þvagi á þinghúsið á E. þegar hann var að mótmæla styttingu framhaldsskólanna.

Kaye, Danny: Ungverskur fuglaskoðari og hestur. Lá sjaldan beint við.

P: Indverskur heimskautakönnuður sem fór í marga leiðangra á árunum 1922-1935. P hafði Q iðulega í för með sér.

Alkemía: Frönsk popphljómsveit sem ruddi brautina fyrir raunvísindapopp.

Primus inter pares: Latnesk tegund gashitunartækja. Þykja fremst meðal jafningja.

Nyrðra-Vatnalautavatn: Stærsta vatnið á Ófeigsfjarðarheiði.

Stumpfegger, Dr. Karl: Prófessor í í fræðilegri lofttæmisloftaflsfræði við háskólann í Vínarborg. Hann var á þriðja áratug 20. aldar samstarfsmaður Dr. Wolfgangs von Schnellkopf. Eftir að samstarfi þeirra lauk hefur hann einbeitt sér að kennslu.

Fin-tim-lim-bim-whin-bim-lim-bus-stop-F'tang-F'tang-Olè-Biscuitbarrel, Tarquin: Brezkur stjórmálamaður. Bauð sig fram til þings árið 1981 í Middlesex-kjördæmi. F. fékk greidd 31 atkvæði og lenti í síðasta sæti kosninganna ásamt húmanistanum og valendingnum Donald Potter. F. er mikill áhugamaður um krikket.

Østre-Fjæseby: Danskur bær sem talinn er byggður djúpt inn í Dângrêk-fjöllum. Könnunarleiðangur sem farinn var 1973 undir stjórn Króatans dr. Željko Žganecs og Esperantans dr. Tinĉjo Ivanos (báðir grafarræningjar að mennt) með það að markmiði að finna bæinn bar ekki tilætlaðan árangur, en varð þó m.a. til þess að Danmörk varð viðurkennd árið 1974 af Sameinuðu þjóðunum sem land yfir sjávarmáli.

Sneggststrjúkandi: Fjórtándi jólasveinn Jólasveinasambands Íslands. Hlaut inngöngu í sambandið 1791 en hrökklaðist úr því 1945. Sat í forsæti sambandsins 1911-1914 og 1935-1939. Beið lægri hlut fyrir Bjúgnakræki í valdabaráttu innan sambandsins sem spratt upp af ásökunum á hendur S. að hann væri valdafíkill og kenndi öðrum iðulega um ófarir af sínum völdum. Almennt er talið að S. hafi verið valdur þess að tvær heimsstyrjaldir brutust út í Evrópu á 20. öld, og að hann hafi kennt ritara sínum til margra ára Adolf Hitler um. Eru þessar styrjaldir nú þó að mestu gleymdar. S. er eini íbúi Íslands á seinni árum sem vitað er að hafi borið nafn með átta samhljóðum í röð. Fyrir þær sakir var hann gerður heiðursmeðlimur Ónefnafjelagsins Illfyglið árið 1961. Eftir jólasveinasambandsdeilurnar reyndi S. fyrir sér sem tannbjálfi, en ku ekki hafa getað unnið með bræðrunum norsku Karíusi og Baktusi Egner sökum meintrar valdasýki sem varð til þess að hann settist í helgan stein. S. hefur síðan árið 1981 búið einbúalífi í bænum Østre-Fjæseby.

Sartre, Jean-Paul: Maðurinn sem feður ykkar vöruðu ykkur við. (Sjá: Tileygðir froskar.)

Perú-brjóstsykur: Vinsæl sælgætistegund framleidd úr munaðarlausum börnum veiddum á götum Líma. (Sjá: Soylent Green)

Greind: Afleiddur eiginleiki. Heildi greindar er því lamb.

Blekklessur: Hópur samkynhneigðra og byltíngarsinnaðra kvenna í Ekvador. Upphafskona þeirra og frumkvöðull var sænska skáldkonan Helga Blekk. Frægt var þegar B. risu upp gegn ríkisstjórn Gulu hattanna og veltu þeim úr sessi. Ríkisstjórn þeirra var við völd í einn dag en hrundi vegna innbyrðis deilna.

Piaget, Jean: Finnsk-úgrískur sálfræðingur og mannæta. Frumkvöðull hugrænnar barnasálfræði og frægastur fyrir kenningar sínar um skeiðar. (Sjá: Teskeið, næmiskeið og matskeið.)

Andfugl: Þjóðsagnavera sem er alger andstæða fugls. Af mörgum fræðimönnum talinn vera einhvers konar fiskur en af öðrum hvorki fugl né fiskur. (Sjá: Síld)

Marak, Adolf Lu Hitler: Indverskur stjórnmálamaður frá Meghalaya-héraði. Hann var umhverfisráðherra í ríkisstjórn E.K Mawlongs en missti sæti sitt á þingi árið 2003. Hann stofnaði árið 1997 krikketlið indverska þingsins ásamt félögum sínum Stalin L. Nangmin, Frankenstein W. Momin og Tony Curtis Lyngdoh. M. er bróðir Leníns R. Marak.

Vokotić, Vaselín: Formaður einkavæðinganefndar ríkisstjórnarinnar í Svartfjallalandi. Mikill áhugamaður um krikket.

Krikketáhugamaður: Áhugamaður um krikket.

Lógískur pósitívísmi: Gríðarleg jákvæðni fengin með aðferðum rökfræðinnar.

Friðbjörn: Slímug saurbjalla.

Mökunarkall: Graður karlmaður.

Þröngsýni: Hræðilegur sjúkdómur sem hrjáir blámenn. Útlitseinkenni eru að augun falla 3 til 9 cm inn í höfuðkúpuna og sjónsvið þrengist. Þ. er smitandi. (Sjá: blámaður)

Trítlarnir: Ein af frægustu bommhljómsveitum 20. aldar. Höfðu mikil áhrif á nær öllum sviðum popptónlistar, einkum og sér í lagi barokks. Hljómsveitin var skipuð fjórum ellilífeyrisþegum frá Gautaborg. Meðal laga þeirra má nefna Hey Mashími, Swedish Wood (This Boy Has Gone) og Polythene Pam.

Darwin, Charles: Frægur brezkur leikari á 20. öld. Árið 1979 hlaut hann Gandor-verðlaunin fyrir leik sinni í kvikmyndaútgáfu bókarinnar Dvergar dansa eftir Rúnar Dvindilsson. D. lék einnig í frægri auglýsingaherferð gosdrykkjaframleiðandans Galapa.

Fogerty, John: Forsprakki svartmálmssveitarinnar Point of Grace sem varð vinsæl í evrópu 1985 með smellinn Jesus Will Still Be There. Varð frægur á seinni árum fyrir að hafa stofnað trúsöfnuðinn Have You Ever Seen The Rain? eftir regnlausa sumarið 1991 í Bretlandi. Meðlimir safnaðarins trúa því að vitrænn sjókonungur hafi skapað heiminn og að efnaformúla vatns sé of flókin til að hafa orðið til af tilviljun.

Sókrates: Aþenskur róni sem ráfaði sauðdrukkinn um stræti og torg Aþenu til forna og angraði vegfarendur. Hann var þekktur í undirheimum Aþenu sem „Súri-Soggi kollekt". Ýmsir götustrákar borgarinnar litu upp til Sókratesar og hermdu eftir honum, þeirra alræmdastur er Platón. Heimildir um S. eru aðallega fengnar úr bókum Platóns, Ríkinu og Samdrykkjunni, hin fyrri fjallaði um þegar S. keypti áfengi fyrir þá strákana og Samdrykkjan sagði frá brjáluðu partíi sem S. hélt. Dauðdagi Sókratesar var frægur en hann dó á fylleríi eftir að hafa drukkið einhvern óþverra.

Köttur Schrödingers: Hulduköttur sem stundum sést í nágrenni háskólans í Vínarborg. Kötturinn er þeirrar náttúru gæddur að þegar enginn sér til þá er hann bæði bröndóttur og svartur. (Sjá: Jólakötturinn)

Heimska: Þegar samtíð ber við sjóndeildarhring og fátækt gærdagsins gleymist og hverfur.

Manfræði: Æði sem byrjaði í Þýskalandi 1979 og varði til ársins 1997. Það kom upp í kolanámu í bænum Kopf í Vestur-Þýzkalandi þegar Lafði Manfreð Byron fann fyrsta blauta kolið. Hann fékk einkaleyfi á blautu koli og vinsældirnar urðu framar öllum vonum sökum þess hve langan tíma tók að kveikja í því. (sjá teprur)

Kushnir, Vardan: Mikilvirkasti sendandi ruslpósts í gervöllu Garðaríki. Helzta afrek K. á því sviði er m.a. þegar honum tókst að bjóða öllum Rússum (og örfáum Úkraínumönnum) í þrítugsafmælið sitt. Aflaði þessi iðja honum margra óvildarmanna og fannst hann myrtur í íbúð sinni þann 5. febrúar 2004. Haldin var lokuð kistulagning.

ósýnilegttré69@hotmail.com: Algengasta póstfang í heiminum.

Galapa-gos: Vinsæll gosdrykkur unninn úr skjaldbökum. Hinn þekkti leikari Charles Darwin lék í frægri auglýsingarherferð fyrir framleiðendur drykkjarins. (Sjá: Beltisdýr.)

Guð: Pylsusali í miðbæ Reykjavíkur.

Þórhallur Þorsteinsson: Loddari.

Sleikjuhyggja: Sú trú að einungis sé hægt þekkja hið rétta eðli hlutanna með því að sleikja þá. Upphafsmaður S. var sófaheimspekingurinn Anaxímandros. Frumspekilegum stoðum var þó ekki rennt undir S. fyrr en höfuðrit Kants, Frumspekilegur grundvöllur siðferðilegrar sleikjuhyggju, kom út. Ein af afleiðingum S. er sú að þar sem ekki er hægt að sleikja sig allan er í raun ekki hægt að þekkja sjálfan sig að fullu.

Skyreigindir: Hugtak notað til að lýsa eðliseiginleikum skyrs. Heimspekingurinn David Hume greindi á milli tveggja tegunda s. Annars vegar 1. stigs s. Þær lýsa algildum og mælanlegum eiginleikum skyrsins (svo sem þykkleika og hrærigildis). Hins vegar eru það 2. stigs s. sem lýsa þeim eiginleikum skyrsins sem eru háð skynjunum (til að mynda bragð). (Sjá: Skyrhyggja.)

Epíkúros: Bassaleikari hljómsveitarinnar Mezzoforte. (Sjá: Garden Party.)

Wells, Edmund: Þekktur brezkur rithöfundur. Hann er afkomandi H.G. Wells, uppfinningamanns sem fann m.a. upp brunninn og bréfaklemmuna. E. hefur gefið út margar skáldsögur sem selzt hafa vel, meðal þeirra má nefna: David Coperfield, Grate Expectations, Khristmas Karol, A Sale of Two Titties og Knickerless Knickelby. (Sjá: bókaverzlanir og slöngur.)

Lamb, Gústav: Sænskur brauðryðjandi. Ruddi brauðið fyrir ýmis fyrirmenni í Stokkhólmi, svo sem Descartes, Olaf Peterson og Karl II Svigakonung.

Ögmundur Á. Bergsson: Þjóðþekkt persóna á Íslandi á 7. öld fyrir Krist. Ö. var eineygður og fékk alloft gröft mikinn í augntóftina tómu. Þetta fór fyrir brjóstið á mörgum og frægt var þegar Krístín Árnadóttir málfræðingur sagði við hann:„Alltaf vill þér eitthvað til, Ögmundur skítur."

Tindabilsa: so. Að drekkja sorgum sínum í Tjörninni.

Frímerki: Litarbreyting sem gjarnan verður á einstaklingi eftir alvarlegt fasaástand er kallast frí. Lifrin; og þá einkum og sér í lagi hjá ókyni, bregst þá við mikilli strípihneigð samfélagsins, sökum varmaorku og geislunar. Er frímerkjasöfnun algeng dægradvöl meðal eldri borgara, en húð þeirra fær í kjölfarið áferð snjáðrar leðurtösku. (Sjá: frímerkjageðveiki, frímerkjafölsun)

Jólasvein: no. Ort í örvæntingu af Jólasi páfa árið 1202. Jólasvein heyrast gjarnan í afturgöngum blaðlúsa eftir myrkur, en eftir bann við hljómflutningstækjum var afnumið í kjölfar láts Justins V Bandaríkjakeisara hafa jólasvein orðið allt af því hversdagslegur viðburður meðal rétthentra.

Hálvitrun: no. Systurkenning alvitrunar (Sjá: Klikki Bögg og leikfangalestin)

Knús: Fundið af tilviljun ofan í krús við hálfkæringslega leit John F. Snooze að síþreytu. Knús varð fljótlega ein helsta útflutningsvara Amelíubúa, en var bannað árið 19 e. Kr. eftir lát færeysk-ættaða fótboltamannsins Kopper Jan, en hann var knúsaður til dauða af æstum aðstoðarmanni sínum. Sama ár var komið af stað herferðinni „Hey, þú! Ekki knúsa mig!", en hún varð til þess að mikið hefur dregið úr knúsi og er það nánast alveg horfið úr menningu okkar í dag.

Kjánaskapur: no. < *kjánaskápr.
Dæmalaust fáfróður karlmaður sem borðar meira en hann talar, og talar meira en hann veit.

Hrakhraufast:Að hreyfast með hopphreyfingum yfir gólf. Elzta heimild um orðið er Sæmundur Jóhannesson, hárlagningamaður . Hann lærði orðið af móður sinni, Petreu Guðnýju Gísladóttur, árið 1934. Samkvæmt frásögn Sæmundar sagði Petrea um kanínu sem hoppaði yfir gólf á heimili þeirra: „Nú, hvert skyldi hún hafa hrakhraufazt?“ Sæmundur, sem heldur þótti vitlaus, skildi ekki við hvað var átt og bað skýringar og sagði hún þá: „Þegiðu, Sæmundur eða ég skal veita þér væna eyrnarfíkju!“ (Sjá ávextir)

Rúnar Dvindilsson: Austfirzkur dvergur. R. er frægur fyrir þýðingar sínar á bengölskum bókmenntum og fékk fyrir þær þýðingar og skáldsöguna, Dvergar dansa, bókmenntaverðlaun Norðurlandaráðs árið 1976. R. er taðskegglingur.

Fæðing: Bein orsök dauða. (Sjá Anti-mortistar)

Takkttiddút: Grænlenzkur klámmyndaleikari. Hann hefur farið mikinn í Danmörku. T. er bróðir Ikingúts, frægs skáldsagnahöfundar og Eskimóadrengs.

Stúfur: Fyrsti og eini jólasveinninn sem nokkurn tímann andmælti Grýlu. Sagan segir að S. hafi fengið þá hugmynd um jólaleyti eitt árið að allir krakkar ættu að fá eins í skóinn þetta árið til að stuðla að jafnrétti. Grýla er sögð hafa verið svo reið að hún hafi stigið á hæla S. í 13 ár eða þangað til S. hætti að geta gengið eðlilega, þá var hann hengdur og síðar krossfestur og lík hans var gefið hinum fræga oddverja og valendingi: Kasimir Fajans.

Gleysa: Litalaus regnbogi.

Durgur: Fyrsta íslenska orðið sem byrjaði á 'd'.

Hlö: Hið fullkomna íslenzka orð. (Sjá Gunnarshólmi)

Þrír blóðdropar: Plata eftir hljómsveitina Land og syni. Hún kom út 1986 og seldist í 3 millj. eintökum en athygli vekur að árið 1986 bjuggu aðeins tæp 500.000 á Íslandi. Þ. er því miður ekki mest selda plata Lands og sona. (Sjá þjóðarmorð)

Loftvarnir: n Hlífðarklæðnaður. T.d. vettlingur. (Sjá ræskjun)

Almannagallar: 1. n Gulleitir samfestingar sem notaðir eru af ræstitæknum um heim allan. Oftast ermalausir. (Sjá Ermasund) 2. n Almennir gallar. T.d. Örvhenzka og ólykt.

Miðannarmat: n Þolfall af orðinu miðannarmatur.

Um kúgun hænsna: Bók eftir John S. Mill sem kom út 901. Frægasta, fyrsta og jafnframt eina útgefna bók 9. aldar. Bókin fjallaði um harða lífsbaráttu hænsna og undirokun hænsnabandalagsins. (Sjá bandalög dýra)

Þvagbendill: n Sérstök tuska sem notuð er við þrif á almeningsklósettum.

Sambi: Austur-þýzk teiknimyndapersóna. S. er einhvers konar sósíalískur karfi sem skammar félaga sína og borðar ógrynni kettlinga. Þrátt fyrir ljótt útlit og slæma gigt var hann gríðarlega vinsæll meðal barna Austur-Þýzkalands.

Franska: Tungumál talað af humrum og hrognum. F. er mikið borðuð í Frakklandi.

Hitler, Adolf: Fyrsti blökkumaðurinn til að hljóta friðarverðlaun Nóbels. Þau hlaut hann árið 1979. H. býr nú með konu sinni og börnum á Páskaey.

Marx, Franz: Þýzkur fræðimaður, þekktur fyrir kenningar sínar um tilgang og eðli blómálfa. Bróðir Karls Marx. M. hefur stundum verið kallaður svarti sauðurinn í fjölskyldunni.

Heimsendir: Maður sem hefur það að atvinnu að sendast með hluti inn á heimili fólks.

Trúður: Trúaður maður.

Vísundurinn: Goðsagnakennd vera sem margir telja að geymi einu leiðina til Sannleikans. (Sjá vísundamenn)

Haraldur Ómar Vilhelmsson: Fæddist árið 1913 og var fyrstur maður íslenzkur til að bera nafnið Ómar. H. var þekktur ónytjungur og róni og bjó á Hlemmi stóran hluta ævi sinnar. Dó þegar hann drakk fulla tunnu af tréspíra sem rekið hafði í land á Hlemmi. Fræg andlátsorð hans voru: „Ég sé ekkert! Ég sé ekkert!“.

Jesús Kristur: Íslenzkur dópsali og mafíósi. Fæddist árið 1856 í Grindavík og var sonur Kristmunds Jónssonar skósmiðs. Upphaflega skírður Halldór en tók upp nafnið J. eftir að hann stofnaði glæpasamtök þau er við hann eru kennd. Árið 1934 varð hann fyrstur allra til að borða 50 fullvaxna hamborgara á undir 4 mínútum. Margir hafa þó talið að brögð hafi verið í tafli. Nautnalíf J. varð mörgum hneykslunarhella en sagt hefur verið um hann að hafi: „...snortað, reykt, sleikt, étið og drukkið allt sem að kjafti kom“. J. dó árið 1945 þegar hann fékk naglaspýtu í höfuðið þar sem hann var á gangi nálægt heimili sínu í Breiðholti. (Sjá: Krysslingar.)

Túnfiskur: n Fiskur af lúðuætt. Sérkennilegur vegna græns litar og undarlegrar ásóknar í hey. Náttúrlegur óvinur kindarinnar.

Atlantshafsbikarinn: Verðlaun sem veitt eru afreksmönnum í skallvarpi. Fyrst til að hljóta A. var hænan Pat Nixon árið 1326.

Uddevalla: n Minnsta þekkta sæðisfruma mannsins.

Dângrêk-fjöll: Næststærsti fjallgarður Dana er staðsettur á Jótlandi nálægt Vordingborg. Hann var byggður 1945 sem liður í áætlun Dana að loka fyrir þýzk áhrif inn í landið.

Oligarkar: Fólk sem lifir í þeirri trú að Britney Spears semji eigin tónlist.